[هيفولا]

بسبوسة بالقشطة

المكونات


(1كوب ونصف دقيق سميد+2 معلقة كبيرة سمن
+1/2 معلقة صغيرةبيكنج بودر
+1/2 معلقة صغيرة كربونات صودا +1 كوب ذبادي
+ معلقة كبيرة جوزهند +امعلقة ص روح جوزهند
+1/2 كوب سكر +1/8 كيلو قشطة بلدي
+1 معلقة فانيليا)


ملاحظة: روح الجوزهند ده بيديها طعم وريحة روعة
زي المحلات بالظبط
وكمان بستخدم كوباية وزنها 200 جم
يعني 250 جم دقيق سميد
وده شكل المقادير الجافة وعليهم روح الجوزهند +معلقة ص فانيلا

ودول المقادير السائلة (زبادي+سمن سايح + السكر+معلقة جوزهند )



اول شئ نخفق الزبادي مع السمن
ولازم نسيح السمن مع السكر باليد

مجرد خلط فقط

ثم نضيف عليهم خليط السميد ونقلبهم
وما نقلبش كتير مجرد يختلطوا

عشان البسبوسة ما تعملش عرق

وده شكلها بعد الخلط

طبعا قبلها نكون مجهزين صينية مدهونة سمن

ونفرد الخليط ونساوي الوش بضهر معلقة

طريقة التسوية السريعة

نسخن الفرن علي 180 درجة قبلها 10 دقايق وندخل الصينية

بعد 10 دقايق بتحمر من تحت والجوانب نطفي ونولع الشواية نحمر وشها

طريقة الشربات

2 كوب ماء+2 كوب سكر نتركهم يغلوا 5 دقايق

ونوطي عليهم كمان 10 دقايق لازم ما يبقاش تقيل متوسط

وطبعا نضيف الفانيليا عليه بعد ما يستوي

وطبعا الشربات اللي هنسقي به البسبوسة لازم يكون بيغلي وسخن جدا

انا سقيتها 1كوب و1/4 كوب شربات
(1كوب وربع شربات)

وبعد ما نسقيها ونطفي الفرن ندخلها الفرن وهو مطفي تتشرب

وده شكلها

ونيجي بقي للقشطة يا قشطة

بعد ما تبرد البسبوسة تماما نهرس 1/8 ك قشطة بلدي بشوكة كده

انا اشتريتها من عند اللبان لانها اجمل ومفيش فيها سوائل

ونفردها علي وش الصينية بسكينة كبيرة
زي الصورة اممممممممممم

وندخلها التلاجة 1/2 ساعة عشان القشطة تجمد وتتماسك

ثم تقدم بالف هنا

يممممممممممي