بيت عطاء الخير الاسلامي - برد على قلبك : عصيرات صيفية ..

برد على قلبك : عصيرات صيفية ..

https://ci5.googleusercontent.com/pr...a/68172751.jpg

1-[ موكا بالمارس ] .. https://ci5.googleusercontent.com/pr...6/m8ha/004.gif
https://ci4.googleusercontent.com/pr...a/img3151j.jpg

https://ci4.googleusercontent.com/pr...a/img3159t.jpg

المقادير / ..
آيس كريم فانيلا .. ( انا غرفت 4 غرفات )
مارس ( انا حطيت 1 ممكن اللي يحب طعم المارس يكون واضح يحط 2 )
كريمة خفق ( نص كاس )
ملعقة نسكافيه
( اللي يبي طعمه واضح يحط ملعقة كبيره .. اللي يبيه خفيف يحط صغيره )
سكر بودره
( الكميه على حسب الشخص .. تزيد وتنقص حسب الحلاوة المطلوبة )
ومايحتاج نكثر لأن السكر اللي في الباقي ممكن يكفي ..,
ثلج ( حطيت تقريبا 6 حبات )
كراميل ( اللي يجي مع الكريم كراميل )

الطريقة / ..
اول شي نذوب النسكافيه والسكر في ماي دافي ..
( كمية الماي ربع كاس او اقل شوي )
ونخليه ..
نحط الثلج مع الآيس كريم بالخلاط ..
لما يصير الخليط متجانس ونحس الثلج راح فيها https://ci5.googleusercontent.com/pr...ha/biggrin.gif
بعدها نحط المارس والكريمة ..
مع ملاحظة / ان المارس يكون بدرجة حرارة الغرفة عشان ينخلط زين ..,
ونحط النسكافيه والسكر اللي ذوبناهم ..,
ونخلط ..

على ماينخلطون
نجيب كاس التقديم ..

ونحط فيه الكراميل بشكل خطوط مثل الصوره ..
ونصب اللي سويناه فيه ..
ونزينهم بكريمة مخفوقه + دارك شوكلت مبشور https://ci5.googleusercontent.com/pr...6/m8ha/004.gif
ونقدمهم ..

https://ci3.googleusercontent.com/pr...a/img3161y.jpg

https://ci4.googleusercontent.com/pr...a/img3156h.jpg
https://ci6.googleusercontent.com/pr...a/img3157o.jpg

وبالعافيه https://ci4.googleusercontent.com/pr...8ha/AAAAAA.gif

=========

2-[ موكا بارد ] ..

https://ci3.googleusercontent.com/pr...a/img3163j.jpg

https://ci6.googleusercontent.com/pr...a/img3162r.jpg

المقادير / ..
آيس كريم كاكاو ( غرفت 4 غرفات )
كريمة خفق ( نص كاس )
دارك شوكلت
( الكاكاو العادي مو البودرة .. حطيت تقريبا من 30 الى 20 جرام )
سكر بودرة ( الكميه حسب الرغبة )
ثلج ( الكميه حسب الرغبه )
ملعقة نسكافيه ( اللي يبي طعمه واضح يحط ملعقه كبيره ..
اللي يبيه خفيف يحط صغيره )
كراميل ( اللي يجي بعلبة كريم كراميل ),

الطريقه / ..
اول شي نذوب النسكافيه والسكر في ماي دافي ..
( كمية الماي ربع كاس أو اقل شوي )
ونخليه ..
بعدين نحط الثلج مع الآيس كريم بالخلاط ..
لين يصير مثل اللي قبل https://ci5.googleusercontent.com/pr.../m8ha/m8ha.gif
بعدها نحط الشوكولاته والكريمة ..
ونحط النسكافيه والسكر اللي ذوبناهم ..,
ونخلط ..
على ماينخلطون
نجيب كاس التقديم ..
ونحط فيه الكراميل بشكل خطوط مثل الصورة ..
ونصب اللي سويناه فيه ..
ونزينهم مثل اللي قبل /
بكريمة مخفوقه + دارك شوكلت مبشور
ونقدمهم ..

https://ci5.googleusercontent.com/pr...a/img3164q.jpg

https://ci6.googleusercontent.com/pr...a/img3167t.jpg

======
3-ميلك شيك الفراولة

[ strawberry milkshake ]

https://ci4.googleusercontent.com/pr...a/img3174f.jpg

https://ci6.googleusercontent.com/pr...a/img3172v.jpg

عاد هذا لا جديد فيه ..
ترددت احطه .. بس قلت زيادة عدد بما اني سويته https://ci4.googleusercontent.com/pr...8ha/AAAAAA.gif ..

المقادير / ..
فراولة ( 6 الى 7 حبات )
آيس كريم فانيلا ( 3 مغرفات ) .. _ مره غرفات مره مغرفات مدري وش أسوي بعمري https://ci5.googleusercontent.com/pr...ha/biggrin.gif _
رشة فانيلا
سكر بودره ( 3 ملاعق كبيره .. ممكن تزيدين وتقللين على كيفك )
كريمة خفق ( نص كاس )
ثلج ( المئدار اللي انتو عاوزينو ياقماعه بئه )

الطريقه / ..
نحذف الفراوله مع الثلج ونحط ملعقه كبيره من كريمة الخفق
ونخليهم ينخلطون لين توبون ..
لاصارو منخلطين زين نضيف عليهك الباقي ..
ونقدمه ..
في اسهل من كذا .. https://ci4.googleusercontent.com/pr...8ha/AAAAAA.gif ؟

https://ci3.googleusercontent.com/pr...a/img3173f.jpg

ونلاحظ في الصورة الثانية ان فيه فراولة طافحة شوي بس عادي حركه https://ci5.googleusercontent.com/pr...ha/biggrin.gif ..

=========
4-عصير خاص
[ Special juice ]

https://ci6.googleusercontent.com/pr.../img3260lf.jpg

المقادير / ..
حبة فاكهه من هالنوع

https://ci5.googleusercontent.com/pr.../img3246mh.jpg

جح .. ( مقدار كاس مقطع ومصفى من الحبوب اللي داخله )
ملعقة عصير ليمون ..
( تبون يكون طعمه واضح شويه حطو كبيره تبونه خفيف حطو صغيره )
سكر .. ( الكميه حسب الرغبة )
ثلج .. ( الكميه حسب الرغبة )
ملعقة حليب بودرة _ اختياري _

الطريقه / ..
نحط الثلج مع الجح والفاكهه اللي مدري وش اسمها https://ci5.googleusercontent.com/pr...ha/biggrin.gif
ونخلطهم ..
بعدين نحاول نذوب السكر مع الليمون وشوية مويه ..
ونضيفها للباقي بالخلاط ..
ولا انخلطو ..
نقدمهم ,

https://ci3.googleusercontent.com/pr...a/img3262r.jpg

https://ci5.googleusercontent.com/pr...a/img3263p.jpg

======
5-[ سلاش ]

https://ci4.googleusercontent.com/pr...a/73206042.jpg

https://ci4.googleusercontent.com/pr...a/21798114.jpg

هذا سويته يوم اني مشتهيه جح وذاكره تحرني من صبح الله https://ci5.googleusercontent.com/pr.../m8ha/m8ha.gif
يوم جابو الجح العصر مافيه الا قوة بلع وعصيرات https://ci5.googleusercontent.com/pr...ha/biggrin.gif ..
المقادير / ..
جح ( مقطع وشايلين منه الحبوب اللي فيه .. مقدار كاسين )
سفن اب ( نص كاس )
سكر _ اختياري _ انا ماحطيت https://ci4.googleusercontent.com/pr...8ha/AAAAAA.gif .. بس اللي يحب يحط عادي
ثلج
( الكميه اللي تبونها .. انا كثرت عشان كانو توهم جايبن الجح وكان حار )
ملعقة كبيره عصير ليمون ..,
الطريقة / ..
بالخلاط نحط الثلج والجح ..
وهاتك ياخلط ..
بعدين نضيف السفن اب والليمون ..,
ونقدمه ..

https://ci4.googleusercontent.com/pr...a/21798114.jpg

----------------
6-عصير الصيف
[ Summer Juice ]

هذا سويته لوحده من البنات وتقول طعمه غريب وحلو ..
عاد مدري عنها جاز لها والا تبي ترقع لي https://ci5.googleusercontent.com/pr...ha/biggrin.gif

اصلا حسنا فيها ونقصنا وزدنا لين طلع كذا ..
اخلط الاشياء اللي تعجبني واقول على الله يعجب غيري

https://ci5.googleusercontent.com/pr...a/50381236.jpg

لحد يتعب نفسه ويقز بالصور .. مافيه شي عاكس .. https://ci6.googleusercontent.com/pr...a/rolleyes.gif
لو تشوفون وش اسوي عشان مايعكس شي تضحكون https://ci5.googleusercontent.com/pr...ha/biggrin.gif,

المقادير / ..
ملعقة صغيره حليب بودره ..
جح
( مقدار كاس ونص تقريبا .. مخلي من الحبوب ومقطع )
عصير رمان طازج ( نص كاس )
سفن اب ( نص كاس )
ثلج
( الكميه اللي تبونها .. الافضل يكون كثير عشان يسرسح ع القلب https://ci4.googleusercontent.com/pr...8ha/AAAAAA.gif https://ci5.googleusercontent.com/pr...6/m8ha/004.gif ),

الطريقه / ..
نحط الثلج مع الجح ..
لين ينخلطون زين
عقبها نحط عصير الرمان ..
والسفن اب والليمون
ونخلطهم
ونقدمه ..,
ملاحظه / ..
عصير الرمان الأفضل يكون طازج ومن نوعية زينه ..
بعض المحلات يكون فيه طعم مر ومو حلو ..
وبعضها الحبوب اللي فيه ماتكون مخلوطة زين للأسف ..
في محل بالشرقية عندنا يسويه تمام ..
مدري اذا عادي احط اسمه او لا https://ci5.googleusercontent.com/pr...ha/biggrin.gif,

بالنهايه / ..
مجرد أفكار بسيطة أتمنى تعجبكم ..
المقادير ممكن تزيدون وتنقصون فيها لين توصولون للطعم اللي يعجبكم ..

السكر أحيانا ما احبه كثير أحيانا ودي أكثر ..
على حسب يعني ..
وأتمنى يعجبكم الموضوع

هيفولا:o