معمول العيد. طرق متعددة

http://www.ataaalkhayer.com/up/download.php?img=12862

راح نزل طرق معمول للعيد ناجحه وطيبه كتير والدهون معقوله عشان الصحه
معمول العيد بالقشطه عملته من اطيب المعمول الي بعمله طريقه سهله وطيبه
كتير وطري وما بنشف âک؛âک؛âک؛
الطريقه...
3 كوب سميد ناعم
كوب طحين ورشة ملح
كوب سمنه او زبده
(الزبده مذوبه لحتي يفصل الحليب والماء عن السمنه وبنتركها تبرد قليلا وبناخد السمنه والسائل والحليب ممكن تستخدموه بالمعجنات )
(زيدو كمان ملعقة سمنه بلدي )
نذوب السمنه او الزبده ونبس السميد والطحين باليدين 5 دقايق ونتركهم اقل شي12 ساعه او طول الليل .
2 ملعقه صغيره محلب ( وملعقه صغيره شومر مطحون وربع الملعقه مستكه مطحونه مع ملعقه صغيره سكر) أضافه
علبة قشطه صغيره وزن 170 غرام
نصف الكوب حليب سائل دافي
ملعقتين كبار سكر ناعم
نصف ملعقه صغيره خميره
بنسخن الحليب والقشطه والسكر شوي يعني دافي بنضيف كل المواد الجافه للسميد
وبنعجن بطريقه اللف ولم العجين يعني مش دعك متل العجين العادي لف ولم العجين بس العجينه لازم تكون لينه ادا احتاجت سائل زيدو حليب
نتركها 5 دقايق فقط وبلشو شغل طريقه روعه واكيده.
والي بطيبها القشط .
(ولو تزيدو ملعقه سمن بلدي صافي واصلي بعمل فرق وطعم خيالي )
المقادير الي فوق كلها للعجين.
.............
الحشوة...
تمر معجون بشوي زيت وقرفه ويانسون.
النوع التاني.
جوز ناعم او لوز كوب مع رشة قرفه و2 ملعقه سكر ناعم و2 ملعقه ماء زهر ونخلط كويس
.........
ملاحضه....البس هو خلط السميد والطحين والسمنه باليدين بطريقه فرك اليدين معا.
...........
1 .القشطه اي نوع ما بفرق .
وملعقتين كبار مليانين (الكميه وزن 170 غرام)
2 .القشطه بالعجين بتكون وبنعجن فيها مع الحليب السائل
3.الحشوه تمر معجون بشوي زيت وقرفه ويانسون مطحون
4 .القسم التاني حشيته بكوب جوز مطحون و2 ملعقه سكر ناعم و2 ملعقه ماء زهر وملعقه صغيره قرفه
وحركوهن كتير كويس وبنفع بدل الجوز لوز او فستق حلبي .
5 السمنه بدوبها دوب
والزبده بدوبها وراح يركد تحت الحليب وتعمل رغوه شيلي الرغوه وصفيها من الحليب الي ركد تحت وبضيفها للسميد وباليد ببس
6. السميد الناعم وسط مش كتير ولا خشن .
..........
سر الرسمه الواضحه هو.
1.ما بعمل كميات كبيره عشان ادا كانت الكميه كبيره بخمر بسرعه وبتخرب الرسمه
2.بشتغل والمطبخ بارد
3 .كل الصواني بحطها بمكان بارد وانا بخبز
4. لا تكتري خميره ابدا
5.الحبه ما تكون كبيره رقيقه يعني
6.حمي الفرن قبل الخبز ب 10 دقايق
7.نوع السميد والطحين يكون كويس
8. لا تعجنو كتير والعجن بكون لم العجين علي بعضه والسائل ما يكون كتير لانه بنشف الكعك .
لازم بس ينخبز ويبرد فورا نضعه بعلبه لها غطاء بضل ايام طري وطيب ادا ضل مكشوف كتير بنشف