كارى الدجاج على الطريقة الهندية بالصور
كارى الدجاج على الطريقة الهندية بالصور http://files2.fatakat.com/2012/5/13360168549838.jpg المقادير : نص كيلو صدور فراخ متقطعة شرايح معلقة كبيرة توم مفروم حبة فلفل حار متقطعة شرايح صغيرة ( انا حطيت فلفل رومى و قطعت شرايح طويلة ) بصلة متقطعة صغير معلقة كبيرة زنجبيل طازج مبشور معلقة كبيرة من بهارات الجراماسالا معلقة كبيرة كارى نص معلقة صغيرة كركم نص معلقة صغيرة كمون ملح و فلفل شطة ( اختيارى ) ( انا محتطش شطة لان الجراماسالا اصلا سبايسى فا قلت كفاية كده بس جوزى بيحط على طبقة لوحده شطة برضه ) نص كوباية كزبرة خضرا كوباية حليب جوز الهند 3/4 كوباية مرق او شوربة فراخ نص كوباية كريمة ( اختيارى ) و دى صورة اقرب للمقادير بدون الفراخ اول حاجة هنتبل الفراخ بنص كمية البهارات اللى فاتت ( يعنى من كل نوع بار ناخد نصه نتبل بيه الفراخ و النص التانى نسيبه شوية ) و نسيبها نص ساعة فى التتبيلة نحط شوية زيت على النار اول ما يسخن نحط البصل و شوية ملح و فلفل و نشوحهم و بعدين نضيف التوم و الزنجبيل و بعدين الفلفل الأخضر ( طبعا المفروض يبقى فلفل سبايسى بس انا جبانة و بخاف من الشطة ) و بعدين نحط باقى البهارات كلها و بعدين نحط الفراخ المتبلة نحمرها لحد ما تتحمر و تستوى تقريبا نضيف المرق او الشوربة و بعدين نضيف لبن جوز الهند نهدى النار و نسيب الفراخ تشرب شوية من المرق و اللبن لما نلاقى الصوص قل شوية ( انا مش بحب تكون غرقانة فى الصوص بحب يكون فيه صوص اه بس مش كتير يعنى) نحط الكزبرة الخضرا ( حطى تلت ارباع المقدار اللى عندك عشان الباقى هانزين بيه الفراخ ) اول ما الكزبرة دبلت ضيفت عليها الكريمة ( ده سبب انى بحب الصوص قليل عشان الصوص بعد اضافة الكريمة ما يبقاش سايح كده لا يبقى وسط) و نقلب اول ما الصوص يتقل شوية صغيرين نطفى عليها http://files2.fatakat.com/2012/5/13360162879310.jpg و هنا صور التقديم بعد ما زينتها بالكزبرة الخضراء http://files2.fatakat.com/2012/5/13360164225969.jpg هنا جنب الرز http://files2.fatakat.com/2012/5/13360165804271.jpg http://files2.fatakat.com/2012/5/13360166311301.jpg http://files2.fatakat.com/2012/5/13360167932429.jpg http://files2.fatakat.com/2012/5/13360169348933.jpg http://files2.fatakat.com/2012/5/13360171595188.jpg اذا عجبتكم الوصفة ماتسونيش فى دعائكم فى امان الله يا قمرات هيفولا :o |
All times are GMT +3. The time now is 12:37 AM. |
Powered by vBulletin® Version 3.8.5
Copyright ©2000 - 2024, Jelsoft Enterprises Ltd.