معدل التكاثر
من : الدكتورة / ولاء صلاح جوده يرحمها الله معدل التكاثر ki-67 مبدأيا هي دي حاجة مش مطلوب من المريضة تعرفها. لكن فيه سيدات كتير سألوني عنها ١- معناه ايه ؟ ده عبارة عن بروتين موجود جوه النواه بتاعت الخلية. كل ما وجوده زاد كل ما كانت الخلية بتتكاثر اسرع. وهو موجود في الخلايا الطبيعية عادي ٢- بنقيسه ازاي ؟ في العينة اللي بتتاخد من الورم. بتتحط تحت الميكروسكوب وبنعد نسبة الخلايا اللي فيها البروتين من كل الخليا. عشان كده النتيجة بتطلع ...% بمعني ان ١٠ % مثلا من خلايا الورم جواها البروتين ده ٣- النتيجة معناها ايه ؟ اقل من ٢٠ % بيكون الورم ضعيف التكاثر اكثر من ٢٠ % بيكون الورم قوي التكاثر ٤- فايدته ايه؟ لو معدل التكاثر عالي. غالبا بيحتاج كيماوي ٥- هو معني ان عندي النسبة عالية يبقي الورم مش حيخف او حيرجع تاني ؟ لا ده بس بنقيس بيه قوة الورم مش اكتر مش معني انه عندك ٨٠ % انك تترعبي. لا طبعا بيتعالج عادي |
All times are GMT +3. The time now is 03:18 AM. |
Powered by vBulletin® Version 3.8.5
Copyright ©2000 - 2024, Jelsoft Enterprises Ltd.