كيكه ببودنج جوز هند فرش


عملتها سابقا لكن بطلبوها منى كتير
بحثت عنها ونزلتها هون
لحتى ما تضيع جربوها بسيطه وطيبه كتير....
..............🍰🍰🍰🍰
كيكه ببودنج جوز هند فرش.
كيكه فاخره وبسيطه وطيبه كتير.
عملت كيكه اسفنجيه
وما عرفت كيف ازينها وعندي حبة جوز هند بالقشره.
فكرت وهذا اللي طلع معي.....
مقادير كيكه اسفنجيه (بقالب حجمه 26 سم)
حجم الكوب 250 مل ربع لتر.
كوب طحين
ربع الكوب نشا
5بيض
تلات ارباع الكوب سكر
ربع الكوب زيت
ملعقه صغيره بيكنغ باودر
ملعقه صغيره فانيلا
رشة ملح
برش ليمونه وقليل من عصيرها
بنخفق البيض مع السكر والفانيلا ربع ساعه
لحتي يصبح متل الكريمه
وبنضيف الزيت متل الخيط والليمون وبرشها ورشة الملح.
بنوقف الخلاط وخفاقه يدويه او ملعقة خشب بنضيف الطحين المنخول مع النشا والبيكنغ باودر شوي شوي وبقالب مدهون طحينيه بنسكب العجينه وبنخبطها خبط خفيف وبنخبزها بحراره 160 لحتى تنضج لا تفتحي الفرن قبل نصف ساعه وبنتركها بالفرن بعد ما نطفي الحراره ربع ساعه كمان
نترك الكيكه تبرد تماما.
بنعمل فتحات .
الكريمه.
حبة جوز هند بنكسرها وبنقشرها
وبنشيل القشره القاسيه
وفقط اللب الابيض بدنا اياه
قطعي قطع صغيره ضيعيهم بابريق الخفق
مع لتر حليب واخفقي لحتى ينعم جوز الهند.
بطنجره اسكبي الحليب وضيفي باكيت كريمه بودره وفانيلا وخمس ملاعق نشاء وممكن تضيفي ماء جوز الهند
اللي كان بالحبه واربعة ملاعق سكر وممكن اكتر واخفقي وحركي طول الوقت لحتى يجمد متل المهلبيه مش كتير جامد ولا خفيف.
اسكبي فوق الكيكه لحتى تتعبى الفتحات وعبي القالب واتركي لحتى يبرد تماما ويا ريت تعملوها قبل يوم بطلع افضل واطيب وادا مستعجلين بكفي 5ساعات بالتلاجه.
ملاحظه.....
اذا ما عندكم حبة جوز الهند
ممكن كوب جوز هند عادي يطحن مع الحليب وكملوا متل الطريقه
رائعه بالطعم والشكل .