بيت عطاء الخير الاسلامي - طب الجرة على تمها بتطلع البنت لأمها

الأخ الزميل / فاخر الكيالى

طب الجرة على تمها بتطلع البنت لأمها

سألت إحدى الصديقات السوريات و التي أعتز برأيها عن تفسير

المثل السوري فأجابت حرفيا كما يلي :

لما كانت البيوت عربية وكان في أرض ديار وليوان وسطح

وبيت مونة...
كانت الأم دائما" تنشر الغسيل على السطح لأن السطح شبه محرم

على البنات وكانت البنت تحوص بأرض هالديار..
ووقت الأم بدها شي من بنتها أكيد ما راح تصرخ مشان تناديها...
لأنه سلامة فهمكون صوت المرأة عورة.. هديك الأيام
مشان هيك كان في دائما جرة على السطح...
هلأ وقت الأم بدها تنادي البنت كانت تقلب الجرة وتطبها على تمها

وكان يطلع صوت من اصطدام الجرة بالأرض...

ولما بتسمع البنت هدا الصوت بتعرف أنو إمها بدا منها شي

وبتطلع لعندها....
وهيك صار المتل

طب الجرة على تمها بتطلع البنت لأمها... !!

يعني مو متل مالنا مفكرين المثل انه طباع البنت بتطلع متل طباع الأم

شكرا لصديقتنا الكريمةعلى تفسير المثل .

لا تنسونا من

دعواتكم الطيبة / فاخر الكيالي