بسم الله نبدأ
سندوتشات التن من عجينتي الحلوة
المهم وأنا نفرد فيها ( كالعادة ) اخترت أسهل طريقة لف وحشيتها بالتن والهريسة
والفلفل أسهل وأسرع شي
لكن نقص عليا التن قلت شن اندير ؟ اندس العجينة ولا نحشيها حاجة أخرى
وعشان ماانتبلش جهزت حشوة أخرى سريعة ودرتها في طاجين الكب كيك
وطلعت رووووووعة وأخف من الريشة
وعجبت ضيفاتنا اللي جن في نفس اليوم
وهذي الصور
والضيوف ماشاء الله مازالو ايجو قلت لازم ازيد من الموالح
بس فكرت هل نزيد سندوتشات التن ولا انغير بحاجة أخرى
وطبعاً كالعادة أفكاري مايجنش إلا في اللحظة الأخيرة يعني بعد ماعجنت مافيش حاجة
نستحقلها في الحشو وأنواعها وماطلعتها يعني تن وجبنة وزيتون و..و .. و
... لكن طبعاً وكالعدة مرة أخرى وأنا نفرد فيها قررت إنها تكون بيتزا عادية بس
وأنا نفرد فيها حسيت إن عجينتي ماشاء الله ساعدتني قلتلها شن رايك انديرك بيزا ملفوفة ؟
قالتلي : والله أحسن .. حتى أسرعلك !!
توكلت على الله وجهزت اللازم وطلعت حلووووة وهششششششة بس لأني مش امخططة من الأول
وقت وتعطيك نتيجة خيااااال وممكن تحشيها باي حشوة تحبيها