تشيز كيك بالفراولة على طريقتى الخاصه بالصور
تشيز كيك بالفراولة على طريقتى الخاصه بالصور بسم الله الرحمن الرحيم http://files2.fatakat.com/2013/2/13611314605754.jpg المقادير لطبقة الكيك 250 جرام دقيق تورته معلقه صغيره محسن كيك 3 معالق كبار ماء 3 بيضات المقادير لطبقة التشيز 250 جرام جبنه كيري 2 زبادى 2بيضه كوب سكر كوب الا ربع لبن نيدو كوب كريمه باودر عصير ليمونتين فانيليا ذرة ملح مقادير التوبينج فروله مقطعه شرائح باكوجيلى فراوله صوص شيكولا نبدا الطريقه اول حاجه هنعمل الكيك الاسفنجى ويابنات اللى مش متوفر عندها دقيق التورته تعمل كيك اسفنجى عادى خالص بس عايزين طبقه رقيقه اول حاجه هنحط البيض والمحسن ومعلقة ميه ونقلبهم دقيقه بعدين نضيف الدقيق وباقى كمية الميه ونضربهم حوالى 7 دقايق http://files2.fatakat.com/2013/2/13611321814070.jpg بعد مالون الخليط يفتح هنحطهم فى صنيه مبطنه زبده ودقيق والخليط هيكون تقيل شويه مش سايل نحاول نفرده ونساويه http://files2.fatakat.com/2013/2/13611323131080.jpg وطبعا الفرن سخن ندخلها على 180 هتاخد من 20 ل 25 دقيقه بالكتير ونختبرها بخلة سنان على ما الكيك يستوى هنروح نعمل طبقة التشيز وهى سهله برضه جدا هنحط كل المكونات على بعض ماعدا البيض كده http://files2.fatakat.com/2013/2/13611326232974.jpg ونضربهم كويس حوالى 3 دقايق هيبقوا كريمى جدا نضيف عليهم البيض كده http://files2.fatakat.com/2013/2/13611326714889.jpg ونضرب تانى حوالى كمان 5 دقايق هيبقوا كده بصوا كريمى ازاى http://files2.fatakat.com/2013/2/13611327374443.jpg هتكون بقا الكيكه استوت نطلعها من الفرن ونصب عليها الخليط ده وندخلها الفرن تانى http://files2.fatakat.com/2013/2/13611328253219.jpg نساويه كويس http://files2.fatakat.com/2013/2/13611329429566.jpg انا دخلته تانى الفرن على 160 اهدى حاجه لمدة تلت ساعه علشان نضمن ان البيض استوى كويس طب نعرف ازاى انها تومام خلاص هنلاقى سطح طبقه الجبنه شدت كده ومسكت نفسها زى المهلبيه بس المفروض انها تفضل بيضا زى ماهيه نطلعها ونسيبها تهدى وندخلها التلاجه لحد ماتبرد خالص مدة ساعه على مانعمل التوبنج وده اختياري اللى بتحب اى طعم تحطه انا حطيت فراوله هنقطع الفراوله شرايح وندوب الجيلى فى نص كباية ميه بس ونرفعهم مع بعض على النار 5 دقايق لحد ماياخدوا من طعم بعض ونسيبهم يبردوا بردوا خالص برا التلاجه ولازم الكيكه تبقا بارده وصوص الفراوله بارد والا الكيك هيشرب الصوص وتبوظ هنا طلعتها من التلاجه وحطيت عليها الصوص http://files2.fatakat.com/2013/2/13611329904347.jpg وندخلها التلاجه تانى حوالى ساعتين علشان تتقطع بسهوله الافضل نسيبها يوم ف التلاجه كيك وفراوله وشيكولاته http://files2.fatakat.com/2013/2/13611335478757.jpg http://files2.fatakat.com/2013/2/13611336455981.jpg بصوا الفراولايه دى تحسوا انها واخده شاور شيكولاته http://files2.fatakat.com/2013/2/13611337497588.jpg بصوا الطبقات هنا http://files2.fatakat.com/2013/2/13611338092093.jpg من الجنب واخده pause زى الممثلين http://files2.fatakat.com/2013/2/13611338868465.jpg من جوا بقا شايفين للتعذيب http://files2.fatakat.com/2013/2/13611340337181.jpg صوص الشيكولاته عباره عن شيكولاته خام دارك 200 جرام اربع مكعبات تقريبا اربع معالق كريم فريش او لبن شغال برضه مكعب زبده ونرفعهم على حمام مائى لحد مايختلطوا الف هنا وعافية هيفولا :o |
All times are GMT +3. The time now is 04:13 PM. |
Powered by vBulletin® Version 3.8.5
Copyright ©2000 - 2024, Jelsoft Enterprises Ltd.