بيت عطاء الخير الاسلامي

بيت عطاء الخير الاسلامي (http://www.ataaalkhayer.com/index.php)
-   رسائل بيت عطاء الخير (http://www.ataaalkhayer.com/forumdisplay.php?f=2)
-   -   استمتعي باولادك (http://www.ataaalkhayer.com/showthread.php?t=59104)

هيفولا 12-02-2018 10:54 PM

استمتعي باولادك
 

استمتعي باولادك

بكره_هيكبروا_بسرعه....
ويطيروا زي العصافير.. كل واحد علي عشه ويبقي كل همك تعملي لقمه حلوة.. عشان تجمعيهم ولو بس ساعه حواليكي.
وبسرعه كله بيرجع لدنيته ويسيبوكي لوحدك
تفتكري هتطبخي ايه بعد ما يمشوا لتاني يوم تقولي لمين الطبخه مافيش داعي كلنا اتنين انا وابوهم ............
مافيش بنت هترجع من المدرسه وهي بتشمشم ريحه طبخك من علي السلم وتقولك. ماما ميته من الجوع
وابنك وهو راجع من مدرسته وجري علي المطبخ يفتح في الحلل ويدوق من كل حاجه ويقولك الحقيني ياماما انا واقع من الجوع..... يااااااااااااه هو العمر ده عدي امتى
والايام طارت بسرعه كده ليه
كل يوم كنتي تحتاري تطبخي ايه عشان ترضيهم وترضي اذواقهم وكنتي تزهقي لما الولد يطلب منك اكله معينه او البنت تطلب طبق حلو من ايدك وتتوسلك تعمليه.....
دلوقتي بتتمني حد منهم يطلب منك اي اكله من ايدك عشان تجمعيهم تاني حواليكي.... قد ايه هتشتاقي للايام دي عشان كده هقولك نصيحه لله
💕استمتعي قوي قوي بوجودهم حواليكي
استمتعي بكراكيبهم.. . ولعبهم المنطورة ف كل مكان
ومبهدلة البيت... استمتعي بهزارهم.... ولعبهم..... ودوشتهم
اللي بتضايقك دلوقتي وبتجيبلك صداع
استمتعي ... صدقيني
قبل ما بيتك يبقي مترتب زيادة عن اللزوم هادي زيادة عن اللزوم قومي احضني ولادك قوي علي قد ما تقدري
عيشي معاهم اللحظه بكل دوشتهم وصداعهم
اتهني بطفولتهم.. ولمتهم حواليكي
عشان بيكبروا اسرع مما تتخيلي ريحتهم حلوة ولمتهم ف البيت أحلى النهارده كل الساعات ليكي وملكك
بكره.. يادوب ممكن تلحقي ساعه من وقتهم عيشي حياتهم ووجودهم من قلبك
قوووومي_اتنفسيهم




All times are GMT +3. The time now is 07:34 PM.

Powered by vBulletin® Version 3.8.5
Copyright ©2000 - 2020, Jelsoft Enterprises Ltd.